नायिका लक्ष्मी योङहाङ विवाह बन्धनमा

मोडल तथा नायिका लक्ष्मी योङहाङ विवाह बन्धनमा बाँधिएकीछिन ।
मेन्याङबो बंशका प्रथम गायक तथा गीतकार तेज मेन्याङबो र नायिका योङहाङको शुभ लगन मुकुमलुङ अर्थात पाथिभरा नामक इथ्नोग्राफिक्स भिडियोले जुराएको हो ।

पवित्र धार्मिक पर्यटकीय स्थल पाथिभरको अनुपम सुन्दर दृश्य सहित सुकेटार क्षेत्रमा छायाङ्कन गरिएको भिडियोमा गायक मेन्याङबोकै जन्मघर साङमाङ्गु पुगेपछि लगनगाँठोमा टुङ्गिएको भिडियोको निर्देशक तथा चलचित्र निर्देशक चन्द्र वाम्बुलेले बताए ।

लिम्बु समुदायकी ढुकढुकी गायिका मनु नेम्बाङ र दिलिप फुरुम्बोको स्वर रहेको गीतमा बरिष्ठ सिनेमेटोग्राफर युबराज राईको छायाङ्कन रहेकोछ ।

एभरेष्ट कल्चर मिडिया लगनखेलको प्रस्तुति रहेको भिडियोको निर्माण नियन्त्रक गायिका नेम्बाङकै रहेकोछ ।

ताप्लेजुङको विकट गाउ सामाङ्गुमा गायिका नेम्बाङ सहितको शुटिङ क्रिउ आउने कुराले त्यस भेगका अधिकांश गाउलेहरू घण्टौँ पैदल हिडेर साङमाङ्गु आइपुगेको थिए । कतिपयले यस्तो विकट ठाउमा हुनैनसक्ने अफावह भनि विश्वास नै नलागेको बताए ।

आफ्नो थातथलो साङमाङ्गुलाई मिडियामा ल्याउने उत्कट चाहानाको कारण शुटिङ क्रिउ पु¥याउन चाहेको गायक मेन्याङले बताए ।

हाकपारे गायक मति मेन्याङबोले भने आफ्नो नाम भन्दा “बासबोटे कान्छा”ले सम्बोधन गर्दा खुशी हुने बताए ।

आफ्नै शब्द, लय र स्वरमा रहेको हाक्पारेलाई आफ्नै जन्म स्थानमा छायाकन गरि आफ्नो थातथलोकोप्रतिको माया र तिर्सना मेटाउने हुटहुटी रहेको गायक कान्छाले बताए ।

द्धय गीतकार तथा गायकहरूको नेतृत्वमा छायाङ्कन टोली साङमाङ्गु पुगेपछि गाउलेहरू हर्षित र उल्लासित भएका थिए ।

लामो समयदेखि दुबैजना बेलायतमा रहँदै आएको र घर जाने बाटो समेत भुलेपछि शुटिङ क्रिउ जंगलभरि अल्मलिएको थिए ।

जिल्ला समन्वय समिति सदस्य लक्ष्मण मेन्याङबोको व्यवस्थापनमा छायाङ्कन टोलीलाई खाना बस्नको विषेश व्यवस्था गरिएको थियो ।छायाङ्कनको क्रममा आवश्यक दृष्यको भूमिकामा साङमाङ्गुबासी उत्साहितपूर्वक सहभागि भइ सहयोग गरेका थिए ।

आफ्नो गाउलाई मिडियाको पु¥याउने सपना पुरा भएको श्री बाल कल्याण मा.वि.का शिक्षक कृष्ण मेन्याङबोले बताए ।

गायक तेज मेन्याङबोको पिता स्वर्गीय जसबहादुर सुब्बा, आमा स्व.सजरानी लिम्बु श्रीमति स्व.राधिका थेबे लिम्बुको स्मृतिमा श्री बाल कल्याण मा.वि.को प्रागणमा चौतारा बनाइएको र उक्त चौताराको उद्घाटन कार्यक्रम समेत उल्लासमय र विधिगत रुपले सम्पन्न गरि विद्यालयलाई हस्तान्तरण समेत गरियो ।

बेलायतमा रहँदै आएका गायकद्धय तेज मेन्याङबो र बासबोटे कान्छा सहित मानबहादुर मेन्याङबो, भिमबहादुर मेन्याङबो, मोतिबहादुर मेन्याङबोले जनही ५० हजार रकम संकलन गरि उक्त विद्यलयलाई सहयोग गरेका थिए ।

मुकुमलुङ भिडियो हर्ने तलको लिंकमा क्लिक गर्नुहोला ।

मुकुमलुङ भिडियोकोछायाङ्कनका झलकहरू