दैलेख । असार २३
विद्युत प्राधिकरणको काम गर्ने भनि दैलेखका ओमजङ कार्कीले उदयपुरका तीन जना युवालाई दैलेखको सदरमुकाम पु¥याइ अलपत्रमा पारेको पिडित सिमन वान्तवा राईले बताए ।
२५ दिनदेखि पुर्वेली राई होटल एण्ड लजमा बसेको र सो लजको खाना तथा बासको रकम समेत बाँकी रहेकोले लजवालाले आफूहरूलाई उल्टो पैसा भुक्तान नभइ जान नपाउने भनि बन्देमा परेकोले समस्यमा परेको वान्तवाले बताए ।
केही दिन अघिसम्म समान आउने साथ काम हुने भनेर झुलाए पनिपछि गएर सम्पर्क बिहीन हुन थालेपछि ठुलो विचल्नीमा परेका बताए ।
रोजगारको लागि उदयपुरबाट दैलेख पुगेको युवा विचल्लीमा परेपछि उद्धार तथा कानुनी साहयताको लागि हाल जिल्ला प्रहरी कार्यलय जाने तरखरमा रहेको वान्तावाले बताए ।
विचल्नी हुनेमा उदयपुर जिल्ला चौदन्डी नगर पालिका–८, डहरका २६ वर्षीय सिमन वान्तवा राई, वडा नं ४, बसाहाका २० वर्षीय रुबेन राई र आशिर राई रहेकाछन ।
लामो समयदेखि ठेकेदार कार्की फरार रहेपछि बाध्य भएर होटलको वील भुक्तानी नभइ तीन युवालाई बन्देजबाट मुक्त नगरिने होटल संचालक पर्वत राईले बताए ।
Leave a Reply