कार्तिक – ८
दिपावालीको अबसरमा लिब्जु होल्माफू क्लब ओखालढुङ्गाले यस बर्ष बृहत देउसी भैलो कार्यक्रम आयोजना गर्ने भएकोछ ।
समाजसेवी तथा कार्गो (निर्यात तथा आयत) व्यावसायी रुद्र राईको संयोजनमा बृहत देउसी भैलो खेलिने सस्थाको कोषाध्यक्ष बडाजित राईले बताउनु भयो ।
कार्य व्यस्तता तथा काठमाण्डौँमा नै स्थायी बसोबोसको कारण धेरै वर्षदेखि गाउको देउसी छुटेकोमा यस वर्ष भने सहभागी हुने नेपाल प्रहरी निरिक्षक टिकाराम राईले बताउनु भयो ।
खासगरि गाउको विकासको लागि २०७१ सालबाट सडक निर्माण गर्ने क्रममा स्थानीय निकायमा उपलब्ध भएको बजेटले चुक्ता गर्ने गरि क्लबको जमानीमा ऋण उपलब्ध गरिए पनि प्राविधक समस्यले सो मुताबिक बजेट निकासा नभएपछि देउसीमा जुट्नु परेको सचिव रामकुमार राईले बताउनु भयो ।
यस देउसीमा होल्माफूबासी सबैले अरु वर्ष भन्दा विशेष महत्वको साथ खुला दिल र ठूलो मनले दान प्रदान गर्न पहल गरिएको भवन निर्माण समिति संयोजक हर्कराज राईले बताउनु भयो ।
गाउमा संकलित दान रकमले मात्र ऋण चुक्ता गर्न गाह्रो परेकाले सबै परदेशमा रहनु हुने होल्माफूबासीहरूसंग समेत सहयोगको लागि अपिल गरिएको देउसी संयोजक राईले बताउनु भयो ।
उहाँ बताउनु हुन्छ ”स्वय आफै रु ५० हजार रकम घोषणा गरेकाछु अरुले नी पक्कै ठूलै रकम उपलब्ध गराउनु हुन्छ भन्ने आशा लिएकोछु” ।
यसै गरि कोषाध्यक्ष बडाजित राईले समेत २५ हजार रकम घोषण गरि सक्नु भएको छ । भने अन्यहरूको रकम घोषणा तथा संकलन कार्य जारिरहेको संस्थाको अध्यक्ष चन्द्र वाम्बुलेले बताउनु भयो ।
सडक निर्माण जस्तो महत्वपूर्ण विकासको ऋण तिर्न लिब्जु उप वाम्द्याल युवा समुह खचापूले समेत देउसी भैलोको आयोजना गरि रकम संकलन गर्न सहयोग गरिने संस्थाका अध्यक्ष जितकुमार राईले बताउनु भयो ।
होल्माफू र खचापू फरक वडा भए पनि पुस्तौदेखि सहकार्य गर्दै आएका अत्यन्तै पारस्पारिक निकट सम्बन्ध रहेका गाउहरू हुन ।
यी दुई गाउहरू छिमेकी मात्रै नभएर पारिवारिक सम्बन्ध पनि जोडिएका गाउहरू हुन ।
Leave a Reply