ओखलढुङ्गा

सुनिल उलाक

बि.सं. १६८२ तिर काठमाडौका राजा लक्ष्मीनरसिंह मल्लले आफ्ना बहिनी ज्वाई पर्ने काजी भीम मल्लको नेतृत्वमा भोट तथा पूर्व आक्रमण गर्न सैनिक पठाएका थिए । त्यतिबेला सैनिकको खानाको लागी ठूलो ढुङ्गालाई बिचमा खाल्डाे बनाई च्यूरा कुट्ने ओखल बनाइएको थियो ।

सो ठूलो ढुङ्गाको ओखल हाल सिद्धीचरण नगर पालिकाको वडा नं. ५ मा अवस्थित छ । यहि ओखलको कारणले यस स्थानको नाम ओखलढुङ्गा रहन गएको हो ।

हुन त विजयी भएर काठमाडाै फर्केका भीम मल्ललाइ राजाले राजद्रोह गर्न सक्ने विरोधीको सल्लाह सुनेर हत्या गरिदिए पछि उनकी विधवाले सति जाने बेलामा देशलाइ सरापेका थिए, “नेपाल दरबारको भलो चाहनेको यस्तै गति होस्” । त्यसैले अाज पनि यो देशलाइ सतिले सरापेको देश भन्ने गरिन्छ ।भिमसेन थापाको समयमा पूर्वको सोलुखुम्वु, खोटाङ र ओखलढुङ्गाका बिभिन्न स्थानलाई गाभेर पूर्व ३ नं. भनेर नामाकरण गरि सदरमुकाम ओखलढुङ्गालाई बनाइयो ।

बि.सं. २०१८ बैशाख १ देखी ओखलढुङ्गा जिल्ला स्वायत्त जिल्ला कायम गरि सगरमाथा अञ्चलमा राखियो ।

तिम्रै सुन्दर हरियालीमा,तिम्रै शीतल वक्षस्थलमा,यो कविको शैशवकाल बित्यो,हाँस्यो खेल्यो वनकुञ्ज घुम्यो,मेरो प्यारो ओखलढुङ्गा,मेरो प्यारो ओखलढुङ्गा,यहि भूमिमा जन्मनु भएका कवि सिद्धिचरण श्रेष्ठको यो कवितामा वर्णन गरिए झै यो स्थान अति नै मनोरम होला भन्ने अनुमान गर्न सकिन्छ ।