मृतक रश्मी राईको परिवारलाई दक्षिण कोरियाको सहयोग ।

एभरेष्ट संवाददाता

चैत्र २२, काठमाण्डौँ ।

गत चैत्र २ गते मानेभञ्ज्याङ गाउ पालिका वडा नं २ वाक्सामा तातो कटमा परि सक्त घाइते भएको रश्मी राईको परिवारलाई दक्षिण कोरिएबाट भारि सहयोग आएको छ ।

ओखलढुङ्गा सेवा समाज कोरियाको अध्यक्ष फडिन्द्र अधिकारीको सकृयतामा संकलन भएको रु ६८ हजार ५ सय रकम हस्तान्तरण गरिएको संस्थाका पुर्व उपाध्यक्ष तथा सल्लाहकार पचुराम राईले बताउनु भयो ।

सामाजिक अगुवाइ शेरबहादुर अधिकारी, रेन्ज राई, जितेन राई लगायतको उपस्थितिमा मृतकको बुबा रामकृष्ण राई तथा मृतकका ममली हजुर-आमा दिलकुमारी राई र हजुर-बुबा झगरे राईलाई जनकल्याण विद्यालय सल्ले, उबूको प्रागनमा रकम हस्तान्तरण गरिएको हो ।

रश्मी राई बचाउ अभियानको लागि सबै भन्दा बढि रकम फडिन्द्र अधिकारीको सकृयतामा ओखलढुङ्गा सेवा समाज दक्षिण कोरियाले संकलन गरेको छ । एमवी थुलुङ र नरेश राईको सहकार्यमा २ हप्ते अभियान संचालन गरिने भर्चुवल मिटिङ (अनलाईन बैठक) मार्फत संस्थागत निर्णय गरिएता पनि अचानक विमारीको मृत्यू भएकोले २ दिनभित्र संकलन भएको रकम मात्रै पठाइएको अध्यक्ष अधिकारीले बताउनु भयो ।

नेपालमा भने ठुलो रकम संकलनको रुपमा लेखराज राई मार्फत रु ४३ हजार र विकास राई मार्फत रु ३५ हजार भन्दाबढि रकम संकलन भएको थियो । यसैगरि बारही सहकारी संस्था लिमिटेड मार्फत ऋण अधिकृत बडाजित राईले उल्लेख्य रकम संकलन गरि हस्तान्तरण गरकोे थियो ।

खासगरि माने भञ्ज्याङ गाउपालिकाका वडा नं ३ र २ बाट भने घर बस्ती–बस्तीदेखि शहर र परदेशसम्म पनि सकृयतापूर्वक रकम संकलन भएको थियो ।

लामो समयदेखि रोजगारीको क्रममा दक्षिण कोरियामा रहदै आएको अधिकारीले आफ्नो जन्मभूमि ओखलढुङ्गालाई समाज सेवा मार्फत धेरै गुण लगाएको छ ।

अधिकारीको सकृयतामा वाक्सा चिचिङ्गाको क्यान्सर पिडित शुभधन राईलाई रु २ लाख २३ हजार, महाभुकम्पा राहत उबूको १ सय ४० घर संख्यलाई राहत रु १ लाख २८ हजार, श्री राज्य लक्ष्मी माद्यमिक विद्यालय उबूमा १२ कक्षा संचालनको लागि रु ३ लाख, मष्तिष्कघातबाट शक्त घाइते उबू निवासी प्रभात राई (भ्रान्टे) रु १ लाख ३९ हजार , अग्निपिडित उबू सल्ले निवासी भुमीराज राईलाई रु १ लाख २८ हजार, मष्तिष्क सल्याक्रिया उपचारको लागि उबू निबासी चन्द्र माया भूजेल रु १ लाख २५ हजार १ सय यसैगरि मानेभञ्ज्याङ गाउपालिकाको लागि एम्बुलेन्स खरिदको लागि रु १० लाख ५० हजार लगायत अनिगिन्ती सेवामा समर्पित अधिकारी सन २००८ बाट दक्षिण कोरियामा बस्दैआएको हो ।