माघ १८ ।
ओखलढुङ्गा जिल्लाको सिद्धिचरण लोकमार्ग अन्तर्गत मानेभञ्ज्यङ्ग गाउँपालिका–६ हिलेपानीमा फोर्स गाडी दुर्घटना हुँदा ७ जना यात्रु गम्भिर घाइते भएकोछन ।
प्र १–०१– ००७ ज ००१५ नम्बरको फोर्स गाडी दुर्घटना हुँदा गाडीमा सवार १४ जना मध्ये ७ जना सक्त घाइते भएको जिल्ला प्रहरी कार्यालयका प्रहरी प्रमुख नायब उपरिक्षक सुकदेव खनालले बताउनु भयो ।
घाइते मध्ये सिकिस्तहरूलाई उदयपुरको घुर्मीमा रहेका स्वास्थ्य केन्द्रमा सामान्य उपचारपछि थप उपचारको लागि काठमाण्डौँ लगिएको बताइएको छ ।
ओरालो सडकको घुम्तिमा अचानक गाडी अनियन्त्रित भई सडकको भित्तामा ठोक्किएर दुर्घटना भएको हो । दुर्घटनाको कारण बारे थप अनुसन्धान भईरहेको प्रहरीको भनाई छ ।
दुर्घटनामा २४ वर्षिय चालक खगेन्द्र कुमार घिमिरे सक्त घाइते भएको छ । गाडी ओखलढुङ्गाबाट धरान जाँदै गरेको बताइएको छ ।
Leave a Reply