भाद्र १९, सुनसरी ।
नेपाल प्रहरी श्रीमती संघ कोशी प्रदेशले सुनसरीको ईटहरीमा तिन पाङग्रे सिटी ई-रिक्सा तथा अटो चालकहरुलाई ट्राफिक सचेतनामूलक स्लोगन लेखिएको टोपीहरु बितरण गरेको छ ।
नेपाल प्रहरी श्रीमती संघ कोशी प्रदेशको आयोजना तथा नेपाल प्रहरी राजमार्ग सुरक्षा तथा ट्राफिक ब्यबस्थापन कार्यालय ईटहरीको सहकार्यमा ईटहरीमा सम्पन्न भएको उक्त सचेतनामूलक कार्यक्रममा ईटहरी उप-महानगरपालिकाका प्रमुख हेमकर्ण पौडेल र नेपाल प्रहरी श्रीमती संघ कोशी प्रदेशकी अध्यक्ष श्रीमती अजिता देवकोटा बास्तोलाले सिटी चालकलाई टोपी बितरण गरी कार्यक्रमको शुभारम्भ भएको थियो ।
उक्त कार्यक्रममा ट्राफिक नियम पालना गरौ, जेब्रा क्रसबाट मात्र बाटो काटौ, लगायत बिभिन्न किसिमका सचेतनामूलक स्लोगनहरु लेखिएका २५० थान भन्दा बढी टोपी बितरण गरिएको थियो ।
उक्त कार्यक्रममा नेपाल प्रहरी श्रीमती संघ कोशी प्रदेशका पदाधीकारीहरु र ट्राफिक प्रहरी कर्मचारीहरुको समेत उपस्थिति रहेको थियो ।
Leave a Reply