असोज १७, काठमाण्डौँ ।
ओखलढुङ्गाको केत्तुकेबाट उबू ध्याप्तीतर्फ जाँदै गरेको ग ३ च ८१३५ नम्बरको बलेरो गाडी मानेभञ्ज्याङ गाउपालिका ३ उबु स्थित रिनुवाल(सल्ले)मा दुर्घटना हुँदा ५ जना घाइते भएको छ ।
गाडीमा सवार ६ जना मध्ये ३ जना गम्भिर घाइते र २ जना समान्य घाइते भएको भएको स्थानीयबासी अम्बिका राईले बताउनु भयो ।
घाइते हुनेहरुमा मानेभन्ज्याङ गाउपालिका(३ बस्ने बोलेरो चालक २९ बर्षिय अबिन राई, ३१ बर्षिया बडासरी राई, २५ बर्षिया निर्मासरी राई, ५१ बर्षिया गोर्सी माया राई र ४६ बर्षकी मसल माया राई रहेको जिल्ला प्रहरी कार्यालय ओखलढुङ्गाले बताएको छ ।
दुर्घटनामा परी घाइते भएकाहरुको तत्काल उद्धार गरि उपचारका लागि सामुदायिक अस्पताल सोब्रु ओखलढुङ्गामा पुर्याइ उनीहररूको अबस्था सामान्य रहेको पनि प्रहरीले जनाएको छ ।
गाडी हिजो मंगलबार केत्तुके बजारबाट खाद्य सामाग्री तथा ६ जना यात्रु सहित उबूको ध्याप्ती जानेक्रममा भार बढि भएको तथा भिरालो तथा कच्चि सडकको कारण ब्रेकफेल भइ दुर्घटना भएको प्रहरीबाट जानकारी प्रमप्त भएकोछ । गाडी सडकबाट निकै तल खसेर क्षतविक्षत भएको बताइएको छ ।
Leave a Reply