दलित भन्दै नाबालक माथि निर्घात कुटपिट, ३ जना प्रकाउ

एभरेष्ट संवाददाता

गत बैशाख ११ गते (शुक्रबार) गंगादेव गापा -५,फुल्बास रोल्पा बस्ने भिमबहादुर खत्रीले सोहि स्थान बस्ने वर्ष १० का नाबालक खगेन्द्र बिकलाई घरभित्र पसेको आरोप लगाउँदै ज्यान मार्ने धम्की दिँदै कुट्पिट गरेका थिए। उक्त घटना बारे गाउँलेहरूले थाहा पाए पश्चात् घाइते बालकलाई उद्धार गरेका थिए ।

उपचारका निम्ति हस्पिटल लैजाने क्रममा सोही व्यक्तिले घाइते नाबालको बाबु गोपाल बिकलाई समेत धारिलो हतियार प्रहार गरी गम्भीर घाइते बनाएको बताइएको छ ।

पिडित पक्षले ईलाका प्रहरी कार्यालय, घर्ती गाउँमा जाहेरी दिएकोले नाबालक बिक र उनको बुबा गोपाल बिकलाई घाइते पार्ने खत्री सहित ३ जनालाई नियन्त्रणमा लिएर कारबाहीको प्रकृया अगाडी बढाइएको प्रहरीले जनाएको छ । 

उनीहरूलाई छुवाुछत तथा भे‌द्भाव एवं अन्य अपमानजन्य व्यवहार सम्बन्धी कसूर मुद्दामा अनुसन्धान भइरहेको नेपाल प्रहरीले विज्ञाप्ति जारिगर्दै प्रष्ट पारेको छ ।

दलित समुदायलाई पुस्तौँदेखि विभेद गरिएको भन्दै गत चैत्र १९ गतेको प्रतिनिधि सभाको बैठकमा मात्रै रास्वपाको सभापति रबि लामिछानेले माफी मागेको थियो ।