पालिकामा हुकुम

असोज ११, ओखलढुङ्गा । नेपाली कांग्रेसको १५औँ महाधिवेशन अन्तर्गत ओखलढुङ्गाको मानेभञ्ज्याङ गाउँपालिका कार्यसमिति सभापतिमा हुकुम राई निर्वाचित हुनुभएको छ।

आज (आइतबार) सम्पन्न मतपरिणाम अनुसार निकटतम प्रतिस्पर्धी विष्णु गौतमलाई २५ मतको फराकिलो अन्तरले पराजित गर्दै राई गाउँपालिका सभापतिमा विजयी हुनुभएको हो।

कुल खसेको मतमध्ये विजयी राईले ११८ मत प्राप्त गर्नुभयो भने उनका प्रतिस्पर्धी विष्णु गौतमले ९३ मत ल्याउनुभयो।

“जनताकै माझमा रहेर काम गर्छु” : नवनिर्वाचित सभापति राई

निर्वाचन परिणाम घोषणापछि प्रतिक्रिया दिँदै नवनिर्वाचित सभापति हुकुम राईले आफू सदैव मानेभञ्ज्याङका नागरिक र पार्टी कार्यकर्ताको सुख-दुःखमा साथ रहने प्रतिबद्धता व्यक्त गर्नुभयो।

“यो विजय मेरो मात्र नभई सम्पूर्ण मानेभञ्ज्याङवासी र साथीहरूको विश्वासको जित हो,” राईले भन्नुभयो, “म सधैं गाउँपालिकाका जनताको माझमा रहेर संगठन सुदृढीकरण र स्थानीय विकासका लागि समर्पित रहनेछु।”

स्थानीय तहमा संगठन विस्तार तथा आगामी निर्वाचनमा पार्टीलाई बलियो बनाउन नवनिर्वाचित नेतृत्वले भूमिका खेल्ने अपेक्षा कार्यकर्ताहरूले गरेका छन्।